Nanortalimmi peqatigiiffiit aaqqissuusaannik aserorterisarneq qulequtaralugu, innuttaasunut susassaqartunullu ataatsimiisitsineranni Politiit, Pitsaaliuisoq, Sunngiffimmi pisortaq, Ilaqutariinnut Sullissivik, Inunnik Isumaginnittoqarfik aamma Allaffissornikkut pisortaq immikkut aggersarlugit ataatsimiinermut peqatigineqarput.
- Nuannerpoq taamatut pisortat utaqqinngikkaluarlugit peqatigiiffiit namminneq qanoq iliuuseqarnerat. Oqallinnermi inuppassuit peqataaffigisaan eqimattanut arfineq-marlunnut agguataarsimasunik oqallittoqarpoq, tassanilu qanoq iliortoqarsinnaaneranik siunnersuusiortoqarluni, Nanortalimmi Allaffissornikkut pisortaq Adolf Silassen oqarpoq.
Oqallinnermi anguniarneqartut allaganngorlugit Pitsaaliuisumut tunniunneqarput, nalilersuinerillu pereeriarpata Nanortalimmi Pitsaaliuisup aserorterisarneq pillugu ataatsimeeqqinnissap tullia ulluliiffigiumaarlugu.
Aserorterisarneq pillugu innuttaasunik naapisitsineq
Nanortalimmi illoqarfimmi aserorterisarneq pillugu innuttaasunut ataatsimiisitsisoqarnerani innuttaasut susassaqartut peqatigalugit oqallipput.
13. september 2022
-
26. maj 2023
Oqaluffiusimasoq iluarsarneqarpoq
Narsami oqaluffiusimasoq, atuarfiusimasoq kiisalu atuagaateqarfiusimasoq massakkut nutarterneqarpoq aningaasaateqarfinnit aningaasaliissutit Narsap Katersugaasivianit pissarsiarineqartut atorlugit.
Nutaarsiassaq nuisiguk -
25. maj 2023
Atualertussat sioqqutsillutik ataatsimuulertarput
Nanortalimmi, Qaqortumi Narsamilu atualertussat atualinnginnerminni ataatsimoortinneqartarput, meeqqat atualernissaminnut piareeqqanerusarnerat maluginiarneqarpoq.
Nutaarsiassaq nuisiguk -
25. maj 2023
Illoqarfinni pingasuni qallortarfiit
Timersortarfinni qallortarfiit pigineqalertut atorluarneqarput, maannalu illoqarfiit tamarmik peqalerlutik.
Nutaarsiassaq nuisiguk