Ajarsivasimmi najugaqartunut pulaartartussat qularnanngitsumik ilalersuinermikkut nuannaarnermik tunisisartussaapput, kiserliornermillu misigititsinatik.
-Utoqqaat ukiorpassuarni inuunerminni misilittagartuujusarput, oqaloqatiginerannilu tamatigut pissarsiaqarnartarpoq. Taamaattumik takorloorsinnaavara utoqqaat pulaarneqartalernermikkut ikinngutitaarlutik nuannaarnermik tuniorarneqarsinnaasut, illuatungaanilu pulaartartut aamma utoqqarniit oqaloqateqarnermikkut pissarsilluartarumaartut. Taamatullu ittoqanngitsut ningioqanngitsullu pulaartalernermikkut ittorsiaqalerlutillu ningiorsiaqalersinnaasut, Naja Kriegel Ajarsivasimmi aqutsisoq oqarpoq.
Ajarsuasik utoqqarnik 47-nik ikinnerunngitsunik najugaqarfigineqarpoq, pulaartalernissamullu soqutiginnittut paasissutissanillu pisariaqartitsisut oqarasuaammut uunga attaveqarsinnaapput: + 299 541154.