Narsami inuusuttut 15-init qallunaatut, tuluttut, kalaallisut aamma kisitsinermi atuartitsissutigineqartumi karakteeritik qaffassarpaat. Inuusuttut peqataasut 16-iniit 30-t tikillugit ukioqartut novembarip 22-anni Danmarkiliarlutik aallassapput, Nordjyllandimilu ilinniarfinnut suliffeqarfinnullu assigiinngitsunut takusassarsiussallutik.
-Nuannerpoq inuusuttut taama amerlatigisut peqataasinnaammata, atuartuutigut suleqatigiinnissamik ilinniarnissaat pingaartitaraarput taamaammallu paasisassarsiornissaat pingaartipparput, pissutsit allarluinnaat misigisassarsiorfigalugillu ilinniarfiginissaat tassuuna periarfissiisarmat, NUIKI-mi aaqqissuisoq ilinniartitsisuusorlu Palle Lennert oqarpoq.
Inuusuttut karakteriminnik qaffassaasut septembarimi 2022-mi aallartittut juunip aallartilaarnerani 2023-mi allagartartaassapput