airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginnittoqarfimmi siunnersortaagallartut iluaqutigineqarluartut

Kommune Kujallermi Isumaginnittoqarfimmi siunnersortinik avataaneersunik ikiorneqarneq iluaqutaammat isumaginnittoqarfimmi pisortap qujamasuutigaa.
2. november 2022

 

Avataaniit siunnersortaagallartut Narsami, Nanortalimmi Qaqortumilu katillugit maanna arfineq- pingasut innuttaasunik sullissillutik ikiuupput, taamaaliornikkut Isumaginnittoqarfiup iluani suliassat atorfiit inuttaqanngikkallartut aporfiginagit ingerlaannarsinnaalerput.

-Qujanarpoq atorfiit inuttaqanngikkallartut allatut aaqqiivigalugit avataaniit siunnersortaagallartussanik sulisitsinerput, taamaasilluta aamma isit misilittakkallu nutaat uagutsinnut tunniunneqartut sulinitsinni ingerlateqqissagatsigit, Kommune Kujallermi Isumaginnittoqarfimmi pisortaq Nielsine Petersen oqarpoq.

Kommune Kujallermi siunnersortaagallartut maanna arfineq-pingasut atorfiit inuttalerneqarnissaasa tungaanut sulissapput. Ukioq manna piffissaq aalajangersimasoq ikiuuttut qulit avataanniit Isumaginnittoqarfimmi suleqatigineqarput.