Juulli puigunaatsoq: Juulli eqqaammasarpara Narsarsuaaqqami ullaakkut iterneq nuannersoq, kaffisunni, orpisunni. Orpik kakillarnanik sanaaq, naneruuteeqqanik qaammaqqutilik. Anaanarput kaaginik qalunermut uutanik mamakujunnik toqqortikkaminik pikisoq. Ulloq nerilluataarfigisarparput, qatanngutikka ataatagalu piniartuumata savaatiliullutillu nutaanik nerisassaqartarpugut.
Nunaqarfimmi inuit ikittunnguugaluarluta nuannaarneq pigisarparput, akitsinni illoqarfik Narsaq ikititernikoq kusanartoq isigisarparput. Ukiutoqqamilu Narsami qummoroortartut allallu qaamasorujussuanngorlutik qaaqattaartut alutornartaqaat.
Inuusuttunngorluta Narsamiileratta juulli aamma allaavoq, nunaqarfeeqqaminngaaniit allaaneruvoq. Meeraanitsinni misigisagut najoqqutaralugit atuutiinarlugillu juulli qalliartornerani pikisarpugut. Ullumikkut utoqqalillunga pisarnittut kinguaamma atugassaanik,soorlu ernuttama ernutaqqiutimmalu atugassaannik pikkittarpakkaukiumi atugassaanik.Soorlu massakkut niviarsiaqqat kavaajaliorpakka nukappiaqqallu annoraaliuullugit.
Susannep siunnersuutitsialaat tunniukkusutai:
● Inoqatigut ajunngitsumik asanninnermillu pisartigi.
●Kinguaagut ajunngitsumik asannittumillu pillugit.
● Inoqatit asallugit tikilluaqqullugit, ajunngitsumillu ilassillugit.