Isumasioqatigiinnissap siunertaraa Qaqortumi 2025-mi mittarfissap ammarnissaanut nunatta kujataani ineriartortitassat sammineqarnissaat.
-Mittarfiliorneq pilersaarutit malillugit ingerlavoq, kisiannili imaanngilaq timmisartoq siulleq minniariartoq ineriartorneq aamma imaaliinnarluni tikiunneqassasoq. Siunissami pisariaqartinneqartussat assigiinngitsut matussusissagutsigit ataatsimoorluta suliniutissavut nassuiartariaqarpavut aallarnisarlugillu, tamannalu isumasioqatigiinnerup siunertaraa, Kommune Kujallermi borgmester Stine Egede oqarpoq.
Kujataani inussutissarsiornermik ingerlataqartut 180-inik ikinnerunngitsut decemberimi allakatigut qaaqqusissummik nassinneqarnikuupput, peqataanissamullu nalunaarfissaq kingulleq tassaavoq januaarip 30-at.
-Neriuppunga inuussutissarsiornermik ingerlataqartut amerlasuut soqutiginnillutik peqataajumaartut, amerlanerullutami ataatsimoorfeqarutta ineriartorneq annerusoq pilersissinnaavarput, Stine Egede oqarpoq.
Isumasioqatigiinneq Qaqortup Hoteliani ingerlanneqartussaq, Nanortalimmiit Narsamiillu peqataasussat Majoriamiit skærmersuakkut peqataaffigissavaat.
Inuussutissarsiornermik ingerlataqartut isumasioqatigiinnissaanni Kommune kujallermi Aningaasaqarnermut inuussutissarsiornermullu ataatsimiititaliaq aamma Teknikkimut avatangiiseqarnermullu ataatsimiititaliaq – ISG - inuussutissarsionermik ingerlataqartut, Nukissiorfiit, Tusass, GE Syd, INI A/S aamma KAIR peqataassussat ilagaat.
Peqataanissamik nalunaarnissaq
Nassiussivissaq Kirsten Ørnekoll Stenshøj mailimut: kirs@kujalleq.gl kingusinnerpaamik ulloq 30. januar 2023.