Kommune Kujallermi meeqqerivimmi sullisisut pikkorissarnerat ulluni makkunani aappassaaneertumik ingerlanneqarpoq. Angajoqqaanik suleqateqarneq, siusinaartumik pilertortumillu takunnissinnaaneq, meeqqap mappia, ilaatigut Suliniutip 3-ip imarai. Pikkorissarneq tigulluarneqarmat perorsaanermut siunnersortip iluarisimaarpaa.
- Nuanneqaaq meeqqerivinni sullissisut Suliniut pikkorissaassutigineqartoq tigulluarmassuk, suliniummimi sullitavut qitiutillugit sulinermi pitsanngorsagassagut nukittorsagassagullu pillugit suliniutaavoq. Pikkorissarneq Narsami Nanortalimmilu ingerlanneqarnissaa aamma pilersaarutaavoq, Perorsaanermi siunnersorti Ivalu Hansen Kristensen oqarpoq.
Pikkorissaaneq siulleq siorna ukioq 2022-imi ingerlanneqarpoq.