Isumasioqatigiinnissap siunertaraa Qaqortumi 2025-mi mittarfissap ammarnissaanut nunatta kujataani ineriartortitassat sammineqarnissaat. Isumasioqatigiinneq siulleq Qaqortumi februaarip qulingiluaanni ingerlanneqareersoq nangillugu Narsarsuarmi Narsami aamma Nanortalimmi isumasioqatigiiittoqartussanngorpoq.
-Mittarfiliorneq pilersaarutit malillugit ingerlavoq, kisiannili imaanngilaq timmisartoq siulleq minniariartoq ineriartorneq aamma imaaliinnarluni tikiunneqassasoq. Siunissami pisariaqartinneqartussat assigiinngitsut matussusissagutsigit ataatsimoorluta suliniutissavut nassuiartariaqarpavut aallarnisarlugillu, tamannalu isumasioqatigiinnerup siunertaraa. Isumasioqatigiinneq siulleq Qaqortumi iluatsilluarluni ingerlanneqarnikuuvoq, neriuppungalu sumiiffinni tikitassatsinni aamma taama ingerlajumaartoq, Kommune Kujallermi borgmester Stine Egede oqarpoq.
Narsarsuarmi, Narsami aamma Nanortalimmi inuussutissarsiornermik ingerlataqartut allakatigut qaaqqusissummik nassinneqarnikuupput; savaatillit, inuussutissarsiornermik ingerlataqartut aamma namminersortut qaaqqusissummik tigusisimanngitsut peqataanissamut nalunaarfissaq linki ataani iserfigalugu nalunaarsinnaapput.
Narsarsuaq: Isumasioqatinneq marsip 19-ianni nal. 13.00 Hotel Narsarsuarmi pissaaq.
Nereqatigiinneq nal.12.00 (Nalunaarnissaq piumasaqaataavoq).
Uani nalunaarit: https://f.momentumtools.io/?form=v4_zvmodxkeqxuv
Narsaq: Isumasioqatigiinneq marsip 22-anni nal. 19.00 INUILI-mi pissaaq.
Nereqatigiinneq nal.17.30 (Nalunaarnissaq piumasaqaataavoq).
Uani nalunaarit: https://f.momentumtools.io/?form=v4_mqlrtsvieryj
Nanortalik: Isumasioqatigiinneq marsip 29-anni nal. 19.00 Qujanartip Illuani pissaaq.
Nereqatigiinneq nal 17.30 (Nalunaarnissaq piumasaqaataavoq).
Uani nalunaarit: https://f.momentumtools.io/?form=v4_hyuzuthzusva
Nalunaarnissamut ikiugassaaguit uunga attaveqarsinnaavutit: tlf. 645313 - Allattoqarfik
-Neriuppunga inuussutissarsiornermik ingerlataqartut amerlasuut soqutiginnillutik peqataajumaartut, amerlanerullutami ataatsimoorfeqarutta ineriartorneq annerusoq pilersissinnaavarput, Stine Egede oqarpoq.
Inuussutissarsiornermik ingerlataqartut isumasioqatigiinnissaanni borgmester Stine Egedemit, kommunimi pisortaanermit, teknikkeqarfimmiit aamma ISG-miit peqataaffigineqassaaq.
Peqataaniartut angalanissartik namminneerlutik isumagissavaat.