1983-imi Meeqqerivik Aqqalu meeqqerivittut atulerpoq, ukioq mannalu ukiuni 40-ni nalliuttorsiorluni.
Tamanna atuisunut malunnartinniarlugu sulisut assigiinngitsunik aliikkutassaqartitsipput.
- Ullaap tungaa atuisunut tamanut ullaakkorsiortitsivugut, kingorna meeqqaanut assigiinngitsutigut malunnartitsilluta pinnguaatinik aliikkutassanillu pinnguarluta ullorsiorpugut. Aqqanermut meeqqat minnerit anginerillu immikkoorluta kusanartumik nerersuaaqqatigiippugut, Meeqqerivik Aqqalumi aqutsisoq Oline Olsen oqarpoq.
Meeqqeriviup Aqqalup ukiunik 40-nik nalliuttorsiornerani Kommune Kujallermiit pilluaqquarput.