airplanebooksbriefcase business cogs cross election entertainment fish house law lockmedicalpeopleselfservices socialtax

Aputaajaasarneq – Ukioq 2023/2024

Kommune Kujalleq – inoqarfinni tamani atuuttoq

Kingumut ukioq imaalimmat aqquserngit angallaffiusut pisariaqartillugu aputajaarneqartalerput, taamatullu aputaajaanikkut nalinginnaasumik aqqusinikkut angallannissaq eqqanaarniarlugu, minnerunngitsumillu ajutoortoqassagaluarpat sillimaniarneq eqqarsaatigalugu ilaatigut napparsimaveqarfimmiit, qatserisartuniit aammalu politiiniit nujagaqarfitta iluani sumiifiit tikinneqartuaannarnissaat qulakkeerniarlugu.

Taamaammat kaammattuutigissavarput inoqqutigiit pigisaminnik aqquserngup angallaffiusup killinganut ilioraaqqunagit, soorlu biilit, containerit il.il.
Kommuuni pisussaatitaavoq aputaajaanermut pigisat akorngutaasut qanoq iliuuseqarfigissallugit, soorlu biilit unittarfianni biilit qimaannakkat nalunaarsuuteqanngitsut il.il.

Piginnittumut akiligassanngorlugu aputaajaanermut akorngutaasut piffimmiit allamut nuunneqarnissaat kommuunip isumagitissinnaavaa, tassungalu atatillugu arlaannaatigulluunniit kommuuni akisussaatinneqarsinnanngilaq, tassani nalinginnaasumik angallanneq sillimaniarnerlu pineqarmat.

Inussiarnersumik inuulluaqqusilluta – Kommune Kujalleq, Avatangiisunut Ingerlatsivik


22. november 2023