airplanebooksbriefcase business cogs cross election entertainment fish house law lockmedicalpeopleselfservices socialtax

Sapaassuarmi ammartagaq siulleq

Naasu Møller – Assammik arsartartoq timersoqatigiiffik QAA, Qaqortoq.
Juulleriartornera qanoq eqqaammasaqarfigaajuk?
Juulliaqqap ullaavani itiaarlunga illup ilua qanoq isikkoqarnersoq takorusuttarpara. Nissiaralersorsimasarpoq, qilaava siaartartunik kusassarneqarsimasarpoq, orpiliaq pinnersarneqarsimalluni ataani poortukkanik ilioraaffiginikoq makilluni nuannertaqaaq. Nerriviup qaani mamakujuttut kaageeqqallu takussaasarput, illullu ilua kialaarlunilu aappalaarujuttarpoq.
Ammartakkat, ullorissat, illoqarfiup qeqqani orpik ikittoq, kaageeraliornerit, qiortaanerit, nereqatigiittarnerillu juulleriartornerani qilanaartuutaasarput.

Meeraqatinnut qanoq siunnersuerusuppit?
- Peqqinnartumik nerisarnissaq sinilluartarnissarlu.
- Timersortaraani piumassuseqarluni takkuttuaannarnissaq. Timersoqatigiiffimmi timersornerup saniatigut nukkassartarfeqarpoq atorluarneqarsinnaasumik.
- Sunaluuniit angorusutaq angorusukkaani upperalugu anguneqarsinnaavoq.

Inersimasunut qanoq siunnersuerusuppit?
- Angerlarsimaffimmi juulleriartornera meeqqanut malugitissiuk.
- Atuarfimmi juulleriartornera malunnartissiuk.
3. december 2023