airplanebooksbriefcase business cogs cross election entertainment fish house law lockmedicalpeopleselfservices socialtax

Nivissat nunarsuarmi pissartanngorniuuttussanngorput

Nivissat assammik arsartartut U-18 Puerto Ricomi angunniunnerminni angusarissaarlutik aappaagu nunarsuarmi pissartanngorniuuttoqalerpat peqataasussaanngorput.

Kalaallit nivissat assammik arsartartut U-18 Puerto Ricomut unamminerminni målinik 38 – 36-mik ajugaapput, taamaasillutik aappaagu Kinami nunarsuarmi pissartanngorniuuttussanngorput.

Unamminerup naammassitsiarnerani akissarsianik agguaassisoqarmat nivissat nunatsinneersut marluk akissarsitinneqarput. Hannah Petersen unammersuarnermi arsartuni pingaaruteqarnerpaatut toqqagaalluni aamma Qaqortumeersoq Ajla Bibi K. Jørgensen siunissami arsallaqqissussatut ilimanaatilittut toqqagaalluni.

- Inuusuttortavut timersornikkut nunarput sinnerlugu takutitsilluarlutik ingerlalluarnerat assorujussuaq tulluussimaarutigeqaara, tamaasa angusaannik pilluaqqungaarpakka, Kommune Kujallermi Borgemesteri Stine Egede oqarpoq.

Nunarsuarmi pissartanngorniuunneq aappaagu juulip qaammataani Kinami ingerlanneqassaaq.


8. december 2023