airplanebooksbriefcase business cogs cross election entertainment fish house law lockmedicalpeopleselfservices socialtax

Qaqortumi timersullammak 2023

Arfininngornermi decembarip 16-anni Qaqortumi timersullammamik, sungiusaasutsialammik, aqutsisutsialammik aamma neriunaatilimmik toqqaasoqarpoq.

Qaqortumi ukioq manna timersornikkut immikkut sunniuteqarsimasunik decembarip 16-anni Qaqortup timersortarfiani nersornaasiisoqarpoq.

Piukkunnaatilittut toqqagaavoq Rena Magnhild Ottosen Knudsen, assammik arsartartoq sulorartartorlu. Sungiusaasutsialak toqqarneqarpoq, Karl Larsen Qaqortumi Tae Kwon Do-tartuni ukiorpassuarni sungiusaasoq. Aqutsisuullammattut toqqagaavoq, Henrik Ottosen aamma ukiorpassuanngortuni nerrivimmi arsaarartartuni sungiusaasuusoq.

Ukioq 2023-imi timersullammattut toqqagaavoq nerrivimmi arsaarartartoq, assammillu arsartartoq. Taanna nunatsinni pissartanngorneriuunnermi, Arctic Winter Gamesimi aamma Island Gamesimi nerrivimmi arsaararnermi, kiisalu assammik arsarluni VM-imut U18-nut anngunniunnermi annguttunut ilaasoq Niviaq Skifte Knudsen.

- Sumilluuniit timersuuteqaruit inuunerlu peqqissumik atorukku tassaavoq imminut ajugaasimaarneq, taanna pingaarnerpaavoq. Tamassilu timersornikkut, sungiusaanikkut tapersersuinikkullu nersugaasusi pilluaqqungaarpassi, qanortorlu siunissami timersornermik ingerlataqaanarisi, Kommune Kujallermi Borgmesteri Stine Egede oqarpoq.

Timersoqatigiiffimmi K-1933-mi angutit silami illullu iluani isikkamik arsartartut aamma arnat assammik arsartartut, tae kwon do-tartut, qajartartut nerrivimmilu arsaarartartut aamma tamaasa nersornaamik tunineqarput.


20. december 2023