airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Kujalleq aamma Timersoqatigiit Kattuffiat isumaqatigiissuteqarput

Kommune Kujalleq aamma Kalaallit Nunaanni Timersoqatigiit kattuffiata suleqatigiinnissamut isumaqatigiissutaat innuttaasut peqqissuunissaannik siunertaqartoq atsioqatigiiffiuvoq.

Isumaqatigiissut Kommune Kujallermi innuttaasut peqqissuunissaannut, timersornerulernissaannut, kinguaariillu timersornikkut ataatsimoorfeqarnissaannik ilaatigut qulakkeerinninniarluni suliniutaasoq atsioqatigiiffiuvoq.

-Nuannaarutigaara Timersoqatigiit Kattuffiata siunissami Nunarsuarmi aalanerpaanngornissamut suliniutaanut atatillugu akornatsinni qaninnerusumik sinaakkusikkanillu anguniagaqaqatigiinnissatsinnut aallarniutaasumik suleqatigiinnissamik isumaqatigiissuteqarnerput. Tamannami kommunitsinni inuttaasut peqqinnartumik inuuneqartut amerlisaqqinnissaannut aqqutissiuusseqataassaaq, borgmester Stine Egede oqarpoq.

Isumaqatigiissutip atsiorneqartup suleqatigiit akunnerminni siunissami qaninnerusumik suleqatigiinnissaannik aamma anguniakkanik siunnerfeqaqatigiinnissamut aallarniutaalluni, januaarip 29-anni borgmester Stine Egedemit aamma Timersoqatigiit Kattuffiata siulittaasuanit Claus Nielsenimit atsioqatigiiffiuvoq.

29. januar 2024