airplanebooksbriefcase business cogs cross election entertainment fish house law lockmedicalpeopleselfservices socialtax

Inerisaanermut Ingerlatsiviup nalunaarutaa

Ukioq 2024 -mi Kommune Kujallermi sumiiffinni tamani aalajangersimasunik qulequttanik sam-misaqaqa-tigiittassaagut.

Nalunaarut 1:
Ukioq 2024 -mi Kommune Kujallermi sumiiffinni tamani aalajangersimasunik qulequttanik sam-misaqaqa-tigiittassaagut. Nunaqqatigiittut ataatsimoorneq misigalugu qaammat allortarlugu aliikkuser-soqatigiittassaagut.
Qulequtaq aalajangersimasoq immikkoortoqarfinni tamani sammineqartassaaq qaammatip aappaani nunaqqa-tigiit ataatsimoorluta aliikkusersoqatigiittarluta naggasertarlugu:
- Meeqqerivimmi, atuarfimmi, Majoriami, AKO-mi, klubbimi, peqatigiiffinni, suliffeqarfiit, innut-taasut … sumiiffimmi nammissinnik qanoq qulequttamik sammisaqarnissarsi sinaakkusissavarsi taamaattorli qaammat allortarlugu nunaqqatigiit ataatsimut sammisaqarneranni takutitsisin-naavusi imalt. aliikkusersuisinnaavusi 😊

Qulequttat Kommune Kujallermi ataatsimut sammisassagut piffissalerlugit ima aaqqissorneqarput:
1. Januaari – februaari: Erinarsorneq nipilersornerlu
2. Marsi – apriili: Aalasa
3. Maaji – juni: Ullortuneq
4. Juuli – aggustusi: Iganeq
5. Septembari – oktobari: Ileqqorsorneq pinnguarnerlu
6. Novembari – decembari: Ullukinneq

Assersuut: Meeqqerivimmi, atuarfimmi, Majoriami, AKO-mi, klubbimi, peqatigiiffinni, suliffeqarfinni, nunaqqatigiit januaari februaarimilu erinarsorneq nipilersornerlu immaqa sap.ak. ataasiarluni sam-misinnaavarsi februaarimi nunaqqatigiit ataatsimut aliikkusersoqatigiinnissaannut tusarnaartitassamik piareersarlusi 😊 meeqqat, inuusuttut inersimasullu nammineq soqutigisasi aallaavigalugit.
Februaarip naanerani qulequtaralugu erinarsorneq nipilersornerlu nunaqqatigiit ataatsimut aliikkuersoqatigiin-nissaanut kulturilerisut / Inerisaanermut ingerlatsivik sumiiffissanik saniatigullu sutugassaqartitsinernik piareersaasiortassapput, piumassutsimik suliaqarusuttut sumiiffinnilu aqutsisut suleqatigalugit.
Tullia apriili naappat Aalasa qulequtaralugu nunaqqatigiit ataatsimut aliikkusersoqatigiissapput immaqa timersualaarneq aallaavigalugu. Sumiiffinni periarfissat aallaavigalugit aaqqissuussinerit ingerlanneqarlutik.
Qupperneq tullermi qulequttat qaammatinut agguataarneri takuneqarsinnaapput.


Ukioq 2024 qulequttat Inerisaanermut Ingerlatsiviup ataatsimiititaliaani ilaasortat ingerlatsivimmilu sulisut peqatigiillutik aalajangersagaraat. Ukioq 2024 naalernerani naliliineq aallaavigalugu 2025 ingerlaqqissappat qulequttat nutaat aalajangerneqarumaarput.

 

 



Nalunaarut 2:
Ukiumi 2024-mi Inerisaanermut Ingerlatsiviup ataatsimiititaliaata Kommune Kujallermi illoqarfinni nunaqarfinnilu atuarfiup siulersuisui isumasioqatiginiarpaat.
Najuunnikkut imalt. qarasaasiaq atorlugu isumasioqatigiinneq ingerlanneqarumaarpoq. Isumasioqatigi-innerni ilaatigut Kommune Kujallermi atuarfinnut suliniutit ersarissarnissaat anguniarneqassaaq.
Atuarfiup siulersuisuinik suleqateqarnissarput qilanaaraarput.

Kommune Kujallermi innuttaasut tamassi Juullimi Ukiortaassamilu pilluaritsit

Inussiarnersumik inulluaqqusilluta

Inerisaanermut Ingerlatsiviup ataatsimiititaliaa

Margrethe Thårup Andersen, siulittaasoq
Angutitsiaq Isbosethsen, siulittaasup tullia
Bibi Kielsen, ilaasortaq
Karen Marie Kyed Frederiksen, ilaasortaq
Mouritz Karlsen, ilaasortaq


8. januar 2024