airplanebooksbriefcase business cogs cross election entertainment fish house law lockmedicalpeopleselfservices socialtax

Kunngikkormiut nutaat

Borgmesteri: Kunnginngortoq pilluaqquarput Dronning Margrethellu droninngiusimanerani qujaffigalugu.

Sapaammi januaarip 14-ianni naalagaaffimmi ukiuni 52-ini Droninngiusimasoq ataqqinartorsuaq Dronning Margrethet aappaata ernini Frederik qulingat Kunngitut ivertippaa.

- Kunnginngortoq nunatsinnut soqutiginnillunilu ataqqinnittoq, Kunngi Frederiup qulingata kunnginngornerani nulialu Mary Dronninnginngortoq allaffigalugit pilluaqquakka , nunatsinnullu tikinnissaannut tikilluaqqoreerlugit , Kommune Kujallermi Borgmesteri Stine Egede oqarpoq.

Ataqqinartorsuup Dronning Margrethet aappaata ukiorpassuarni nalagaaffimmi Dronningiusimanerani aamma Borgmesterip qujaffigaa.

- Ataqqinartorsuup Dronning Margrethet aappaata ukiorpassuarni tunniusimalluni Dronninngiusimanerani, nunatsinnullu soqutiginnillunilu ataqqinninneranut qujaffigalugu allaffigivara.

Kunngikkormiut nunatsinnut isumaqarnerat, pingaartumik tikeraaraangata innuttaasunit takutinneqartaqaaq Kunngi Frederiullu ivertinneqarnermini oqaasiliussamini; ”Ataqatigiinneq, Pisussaaneq Naalagaaffeqatigiinnerlu” takutippaa Kalaallit Nunaat uummammiorigaat".

Stine Egede oqarpoq.


18. januar 2024