airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Kujallermut aningaasaqarnermut pisortaq nutaaq


Ulloq 1. februar 2024-miit Arne Ørbæk Skifte Andersen Kommune Kujallermi aningaasaqarnermut pisortatut / pisortaanerup tulliatut atorfinitsinneqassaaq.

Arne University College Nordjyllandimiit pisortat ingerlatsineranni professionsbacheloreqarpoq, inuillu atugaat immikkut sammisarisimallugit.

Arne ukiuni qassiini aningaasaqarnermik nakkutilliisutut aqutsisutullu misilittagaqarpoq, ilaatigut Kommuneqarfik Sermersuumi nakkutilliisuusimalluni kiisalu naatsorsuuserinermut pisortaasimalluni. Ukiuni kingullerni pisortani aningaasaqarnermik aqutsissutip atorneqalernissaanik, tapersersorneqarnissaanik ineriartortinneqarnissaanillu Arne immikkut sammisaqarsimavoq, ilaatigut namminersortutut ilaatigullu kingullertigut Fujitsumi atorfilittut.

-Arnep atorfinitsinneqarneratigut naatsorsuuserinikkut aningaasaqarnikkullu aqutsinermi pingaarutilimmik siuttoqalissaagut. Arne aammattaaq sulisoqarnermut akissarsialerinermullu, sillimmasiisarnermut niuerniartarnermullu pingaarnertigut akisussaalissaaq, tamatumuunakkullu kommunimi suliassaqarfiit aningaasatigut oqimaatsut nalunaatsumik siuttoqalissapput. Taamaaalilluta siunissami suliassavut politikkikkullu anguniakkat sillimmartaarfigissavavut,  kommunip pisortaanera Tine Pars oqarpoq.

 

30. januar 2024