airplanebooksbriefcase business cogs cross election entertainment fish house law lockmedicalpeopleselfservices socialtax

Alimasissumik atuartitsineq atorluarneqarpoq

Kommune Kujalliup nunaqarfittaanni timelæreqarfiusuni iPad atorlugu ungasianiit (alimasissumik) atuartitsineq atorluarneqarpoq, ingerlalluarlunilu.

 

Kommune Kujallermi ilinniartitsisut alimasissumik atuartitsisartut marluupput, taakku danskisut, tuluttut, matematikki aamma fysikki nunaqarfinni timelæreqarsiusunut alimasissumik atuartitsissutigigisarpaat.

-Nunaqarfiit ilinniartitsisoqanngitsut timelærii ikiortigalugit ungasianiit atuartitsineq ingerlattarparput, attaveqaat Teams atorlugu atuartut ataasiakkaarlugit arlaliutillugilluunniit atuartittarpakka, periarfissaq tamanna atuartittakkanniit iluarineqarlunilu nuannarineqartoq malugisinnaasarpara, Kommune Kujallermi ungasianiit ilinniartitsisartoq Lillian Møller nassuiaavoq.

Alimasissumik atuartitsinerit attaveqaatit atorlugit ingerlanneqartarmata, nunaqarfinni attaveqaatit ajoquteqariataarsinnaanerat aporfiuneq ajorpoq.

-Attaveqaatit arlaatigut ajoquteqariataaraangata atuartitsineq eqaatsumik aaqqissuusseqqinnikkut ingerlaannartarpoq. Suliakkiissutit sumiiffiusumut mailikkut ingerlateqqinneqarsinnaasarmata, Lillian Møller oqarpoq nangillunilu.

-Meeqqat sumiiffigisartik qimanngikkaluarlugu ungasianiit atuartinneqarsinnaanerannut periarfissaq kommuniminngaanniit periarfissaatinneqartoq iluareqaara, Lillan Møller oqarpoq.

Aappilattumi, Narsamijini, Tasiusami, Ammassivimmi, Eqalugaarsunni, Igalikumilu ungasianiit atuartinneqartartut 26-upput.

26. februar 2024