airplanebooksbriefcase business cogs cross election entertainment fish house law lockmedicalpeopleselfservices socialtax

Angerlarsimaffimmi ikiortit pitsanngorsaavigineqarput

Kommuni Kujallermi angerlarsimaffimmi ikiortit sulinerminni atugarisaat pitsanngorsaqqinniarlugit pikkorissarneqartussanngortut, ataqatigiissaarisui ilinniagartuutut ilinniartitaalissapput.

Kommune kujallermi angerlarsimaffimmi ikiortit eqqiaanermut inulerinermullu pikkorissartinneqartussanngortut maanna nutaanik sullisitaartinneqarput.

-Angerlarsimaffimmi ikiortitut sulineq pitsanngorsaaviginiarlugu eqqiaanermut inulerinermullu pikkorissartitsissaagut, angerlarsimaffimmilu ikiortit nammineq atisatik atorlugit ilaatigut mingulerisinnaasarmata pisariaqartinneqartunik maanna sullisitaartitsilluta, Kommune kujallermi Isumaginninnermut Pinaveersaartitsinermullu ingerlatsivimmi pisortaq Nielsine Petersen oqarpoq.

Angerlarsimaffimmi ikiortit nutaanik sullisitaarsimasut, eqqiaanermut inulerinermullu INUILI-mi pikkorissartinneqartussanngortut saniatigut ataqatigiissaarisui ilisimasanik nutaanik immersorniarlugit ilinniagartuutut ilinniartinneqartussanngorput.

-Angerlasimaffimmi ikiortit atugaannik pitsanngorsaanitsinni tullinnguupparput ataqatigiissaarisuisa ilinniagartuutut ilinniarteqqinnissaat. Taakku akademiuddannelsimi tassa, Isumaginninnermut peqqinnissamullu tunnganunik sulialinnut ilinniagartuutut ilinnialissapput, Nielsine Petersen oqarpoq.

Angerlarsimaffimmi ikiortit ataqatigiissaarisui sapaatip akunnerisa qulingat aallarnerfigalugu ilinniarlutik aallartissapput.

8. februar 2024