airplanebooksbriefcase business cogs cross election entertainment fish house law lockmedicalpeopleselfservices socialtax

Nanortalik: Allaffeqarfiup ammarnersiorneqarnera

Nutarterisoqarnerani ukioq ataasingajak utaqqisoqareersorlu borgmester Stine Egedep sulisut innuttaasullu allaffeqarfimmut nutartikkamut takuniaanissamut tikilluaqqusinnaanngorpai.

Allaffeqarfik oquiarneqarsimasoq ilumigut nutaanik iikkersorneqarsimavoq, sulisut ataatsimoortarfilerneqarsimapput ataatsimiittarfiillu amerlineqarsimallutik, tunuani illup innaa nutarterneqarsimavoq, taavalu attaveqaatit sarfallu aqqutaat nutaat ikkunneqarsimapput. 

Illu isumannaallisaqqillugu nutaaliaasunik kalerrisaaruserneqarsimavoq. Sullissivik isumaginnittoqarfimmmilu innuttaasunik sullissineq pitsanngorsarniarlugu naleqqussarneqarsimapput. Nutaatullu Teknikkeqarfik kiisalu Nanortalimmi qatserisartut pisortaat allaffeqarfimmi allaffeqalersimapput.

-Suleqatitta allaffimmut silaannarissumut nutsersinnaalernerat nuannersuuvoq. Sanasut qutsavigaakka, kikkullu tamaasa pilluaqquakka neriullungalu innuttaaqatititsinnik sullissinermut sunniuteqarluassasoq, borgmester Stine Egede oqarpoq.

Sapaatit akunnerisa tullianni qarasaasiat internetsillu aqqutaat ammariarpata sulisut allaffimminnut nutartikkanut nutsersinnaalissapput.

9. februar 2024