airplanebooksbriefcase business cogs cross election entertainment fish house law lockmedicalpeopleselfservices socialtax

Nanortalimmi Kalaalimineerniarfik sivisunersumik ammasalissaaq

Ataasinngorneq februaarip 26-at aallarnerfigalugu Nanortalimmi Kalaalimineerniarfik sivisunerusumik ammanerusalissaaq.

Kalaalimineerniarfik siusinnerusukkut ataasinngornermiit tallimanngorneq ilanngullugu nalunaaqutaq arfineq pingasuniit sisamat tungaanut ammasarsimasagaluartoq, ataasinngorneq februaarip 26-at aallarnerfigalugu nalunaaqutaq tallimat tungaanut ammasalissaaq.

-Kalaalimineerniarfiup ammasarfianik sivitsuinitsinni inuit soraarfiisa nalaanni pisinniartoqarsinnaanngorneranik periarfissiivoq, periarfissaq tamanna innuttaasunit tigulluarneqassasoq neriuutigaarput, Kommune Kujallermi ingerlatsinermi teknikeri, Kunuk Ludvigsen oqarpoq.

Kalaalimineerniarfimmi suut nioqqutigineqarnersut 613800-mut sianerluni paasiniaasoqarsinnaavoq.

23. februar 2024