airplanebooksbriefcase business cogs cross election entertainment fish house law lockmedicalpeopleselfservices socialtax

Borgmesteri Nanortalimmi isumasiuisitsissaaq

Borgmester Stine Egede sapaatip akunnerisa arfernanni Nanortallip siunissaa pillugu innuttaasunik isumasiusitsillunilu Nanortalimmi innuttaasunit naapinneqarsinnaassaaq.

Ukiumi 2023-mi borgmesteri tallimariariarluni Nanortalimmiissimasoq ukioq manna 2024-mi siullermeerluni innuttaasunik naapeqateqarniarluni Nanortaliliartussanngorpoq.

Nanortalimmi innuttaasut naapinniagaasa ilaat nammineq kommuninngornissamik siunertaqarlutik atsiornernik katersileruttorput, isumasiuinermilu innuttaasunit oqariartuutigineqartussat borgmesterimit pissangagineqarput.

-Qilanaarpunga Nanortalimmi innuttaasut Nanortallip siunissaa pillugu isumasiorlugit naapeqatiginissaannut, ukiunimi siuliini marlunni politikkikkut sulinitsinni Nanortalik peqataatilluarsimavarput, maannalu pissangatsigivara inuttaasut qanimut suleqatigalugit ineriartortitseqqinnissami qanoq oqariartuuteqartoqarumaarnerat, Stine Egede oqarpoq.

Borgmesteri Stine Egede marlunngornermi februaarip arfernanni nalunaaqutaq 19.00-imiit Qujanartip Illuani innuttaasunut ataatsimiisitsissaaq, aqaguanilu nalunaaqutaq 10-12 aamma 19-21 Ilaqutariit illuanni innuttaasunit naapinneqarsinnaassalluni.

 

Maajip aallaqqaataa 2021 aallarnerfigalugu politikkikkut suliat Nanortalimmut tunngasut attuumassuteqartullu makku ilaatigut naammassineqarsimapput - suliarineqarlutilluunniit:

Aaqqissuusseqqinneq/Atorfiillu nutaat:

● Ingerlatsiviit arfiniliusimasut sisamaannanngorput.

Nanortalimmi allaffimmi pisortamik atorfinititsineq.

Kommunip illuutaanik nakkutiginnittussamik atorfinitsitsineq.

● Inuussutissarsiornermut allatsimik atorfinitsitsineq.

● Meeqqanut inuusuttuaqqanullu sullissisut ataatsimuulerput.

● Atuarfeqarnermut suliassaqarfimmut pisortamik Nanortalimmi angerlarsimaffeqartussamik     atorfinititsineq.

● Akileraarut 1 %-imik appartinneqarpoq.

●Nunaqarfinni sullissivinni sulisut marloriarlutik pikkorissartinneqarput.

● Nunaqarfinni tamani sillimaniarneq eqqarsaatigalugu iridiummiliisoqarpoq.

 

Inunnik isumaginninneq:

● Nanortalimmi utoqqaat illuanni nutaanik biilitaarneq.

● Nanortalimmi inunnik isumaginnittoqarfimmi nutaanik biilitaarneq.

● Ilaqutariinnik sullissivimmut illumik pisineq.

●Tarnimikkut napparsimasut angerlarsimafiinik pitsanngorsaaneq.

● Nanortalimmi akissarsiffinni meeqqannut ornittakkamik, unnuiffiusinnaasumik pilersitsineq.

● Innarluutillit najugarisaanni pequtinik atortunillu nutarteraluni taarsersuineq.

● Angerlarsimaffimmi ikiortit atisartaartinneqarput.

● Angerlarsimaffimmi ikiortit ataqatigiissaarisuilu pikkorissarneqalerput.

● Ukioq 2024-p ingerlanerani Nanortalimmi qimarnguik ammassaaq.

● Unnuami angalaartartunik pilersitsineq.

●Sulianut malinnaasinnaanerujumalluni siunnersortinik sisamanik Nanortalimmi inuttaliineq.

● Angerlarsimaffimmi ikiortit inulerisunik suleqateqalerput, ilaallu qaammammusiaqartinneqalerput.

● Meeqqat inuusuttuaqqallu killissamik qaangiivigitissimasut katsorsarneqarput.

● Inersimasut killissamik qaangiivigitissimasut kingunerluutillit katsorsarneqalerput.

● Meeqqat angerlarsimaffiup avataanut inissinneqarsimasut angerlartinnissaannut annerusumik suliniarnermi 2024-mut 5 mio. koruunit immikkut aningaasaliissutigineqarput.

● Inuuniutigalugu meeqqanik paarsisartunik atorfinititsineq.

 

Avatangiisinut ingerlatsivik:

● Nanortalimmi kommunip allaffiani iluarsartuussineq.

● Nanortalimmi meeqqeriviliornissamut pilersaarusiortitsineq, suliariumannittussarsiuussinerlu.

● Nanortalimmi aqqusinermik atsiineq.

● Nanortalimmi errorsisarfittaarneq.

● Narsarmijini Tusassip illuutaanik pisineq - atuarfeqalersitsineq.

● Aappilattumi aqutsisut allaffiata illu sullivimmut nuunneqarnera.

● Alluitsup Paani iliveqarfimmik alliliineq.

● Nanortalimmi asfalterineq.

● Nanortalimmi eqqaavissuarmi eqqakkanik teqqartitsinikinnerulernissaq pillugu ungaluliisoqarpoq.

● Kommunip illuutai atorneqanngitsut aserfallakkiartortut tuniniarneqarnissaanut sulisoqarpoq.

● Nanortalimmi sulisunut inissiat nutaat tallimat sananeqassapput.

 

Politikerit ataatsimiititaliallu:

● Kommunalbestyrelse tamarmiusoq piffiit tamakkerlugit angalasarpoq.

● Ataatsimiititaliat nunaqarfinnut illoqarfinnullu angalasarput.

● Borgmesterip illoqarfiit tamaasa ukiumut minnerpaamik pingasoriarluni tikittarpai, nunaqarfiillu ukiumut ataasiarluni tikittarlugit. 2023-mi borgmesteri tallimariarluni Nanortalimmiillunilu Narsamiippoq.

● Borgmesteri illoqarfinni tamani inuusuttut ornittagaanni naapeqateqartalerpoq.

 

Naalakkersuisunik suleqateqarneq:

●Nanortalimmi B-992 Naalakkersuisut inissiaataat kommunip pisiarivaa. Inissiat ilaat sulisunut inissianngussaaq, ilaalu innarluutillit najugaqarfigilissavaat.

Innarluutillit sanaluttarfimmiinnerminni aningaasarsiaqartilaarneqartarneri peerneqarsimasut Naalakkersuisutigut uterteqqinneqarpoq.

● 2021-mi Allorfimmik isumaqatigiissusiortoqarpoq.

●2024-mi Kommune Kujallermi ilanngaaserisoqalissaaq.

● Inuusuttunut inissiat sananeqassapput.

 

Angallanneq:

Juullikkunni aqqut KBH-Narsarsuaq toqqaannartoq atuutilerpoq.

Aasaanerani toqqaannartoq KBH-Narsarsuaq siusinnerujussuakkut ammartalerpoq.

2. februar 2024