airplanebooksbriefcase business cogs cross election entertainment fish house law lockmedicalpeopleselfservices socialtax

Narsarsuup siunissaa pillugu Suleqatigiissitap killiffia pillugu nalunaarusiaq, suleqatigiissitallu sulineranik sivitsuineq

Narsarsuup siunissaa pillugu suleqatigiissitami sulinerup siuariartornerani killiffik pillugu isummernissamut tunngavissiaq, Naalakkersuisut 2024-mi sisamanngornermi januaarip 25-ani oqaluuseraat. Suleqatigiissitap inassuteqarneratigut Naalakkersuisut aalajangerput, suleqatigiissitap atuunnera Qaqortumi mittarfissap ammarnissaata tungaanut sivitsorniarlugu.

Suleqatigiissitap atuunnera Qaqortumi Mittarfittaassap ammarnissaata tungaanut sivitsorneqassasoq, Kommune Kujalliup aamma klssaatiginikuuaa. Tamatumani qulimiguulinnut mittarfinngortitsinermi ingerlatarpaalunnik suli qulaajagassaqarnera, Narsarsuarmilu inuussutissarsiutitigut periarfissat pillugit suleqatigiittoqarnissaanik pisariaqartitsisoqarnera tunngavilersuutigineqarpoq. Narsarsuarmut tunngatillugu suleqatigiissitap sulineranut attaveqaasersuutitigut ingerlatat arlaqartut aamma sunniuteqarmata,lneqarnermut Attaveqaasersuutinullu Naalakkersuisup sivitsuineq taanna iluaqutaasussatut isigaa.

 

lneqarnermut Attaveqaasersuutinullu Naalakkersuisoq Hans Peter Poulsen ima oqaaseqarpoq:

"Suleqatigiissitaq 2023-ml pitsaasunik, angusaqarnartunillu ataatsimiittarsimammat Naatakkersuisut nuannaarutigaat. Suteqatiglissitallu atuunneranik sivitsuineq Narsarsuup siunissaanut iluaqutaassasoq neriuutigalugu. Narsarsuarmut iluaqutaasinnaasunik inuussutissarsiutitigut periarfissaqarluarpoq".

 

Kommune Kujallermi borgmesteri Stine Egede ima oqaaseqarpoq:

"Narsarsuup siunissaa pillugu suleqatigiittoqarnissaa, ataqatigiissaarisoqarnissaalu suli pisariaqartinneqarmat, suleqatigiissitap atuunnera sivitsorneqassasoq kissaatiginikuuarput. Sumiiffiup kusanaqisup, oqaluttuassartaqaqisullu ineriartortinneqarnissaani aningaasaleerusussuseqarneq, nutaamik eqqarsarneq, najukkamilu peqataaneq pingaaruteqarput".

 

 

Narsarsuaq pillugu suleqatigiissitanit killiffimmik nalunaarusiaq sivitsuinerlu uani atuaruk.

26. februar 2024