airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Kujalleq aamma Seekon radio isumaqatigiissuteqarunnaarput

Aningaasaqarnermut ataatsimiititaliaq marsip 22-anni 2023-mi ataatsimiinnerminni aaliangerpoq ukiup naaneraniit kommunip Seekon radiollu akunnerminni isumaqatigiissutaat atorunnaassallugu.

Kommunimi qinikkat ataatsimiinnerat siusinnerusukkut ukiumut sisamariarluni aallakaatinneqartartoq, maanna ukiumut tallimariarluni pisalertoq, Seekon Radio aqqutigalugu illoqarfittatsinni pingasuusuni tusarnaarneqarsinnaasimavoq, nunaqarfittatsinnili innuttaasut taama periarfissaqarnikuusimanngillat.

Kommunitta iluani nunaqarfittagut taama periarfissinniarlugit nunaqarfinni tusarnaarneqarsinnaanngornissaa anguniarlugu Seekon suleqatiserisimavarput, neqeroorusiortoqarneranilu aningaasat amerlavallaartut atorneqartalertussanngussammata kommunimiit aqqutit allat atorlugit aallakaatitsisarnerup ineriartortinnissaa aalajangiussimavarput.

Matumani ukiumut tallimariarluni aallakaatitsisarnermi agguaqatigiisillugu aningaasat akiliutaasalertussat annertuallaalernissaat isumaqatigiissummik atorunnaarsitsinermut tunngaviuvoq.

Siusinnerusukkut kommunip Facebookiani toqqaannartumik aallakaatitsisarnitsitut aallakaatitsisarnerput ingerlatissavarput, innuttaasunullu Facebookeqanngitsunut nittartagarput aqqutigalugu aallakaatitsinerup isiginnaarneqarsinnaanngornissaa sulissutigalugu aallartereerluta.

Suleqatigiissummik atorunnaarsitsinissap manna sioqqullugu innuttaasunut nalunaarutigisimannginnera kommunimiit ajuusaarutigivarput.

 

14. februar 2024