airplanebooksbriefcase business cogs cross election entertainment fish house law lockmedicalpeopleselfservices socialtax

Kujallermi misilittakkat ingerlateqqinneqartussanngorput

Kommune Kujallermi alimasissumik atuartitsisarnerup ingerlalluarnerata kinguneranik alimasissumik atuartitsisartussanut atuartitsisartunullu pikkorissaassutissamik immiussisoqarpoq.

Alimasissumik atuartitsisartussat atuartitsisartullu pikkorissarneqarnissaannut Kivitsisa Akademimi atugassanik, Kommune Kujallermi alimasissumik atuartitsisartut Svendborgimi sapaatip akunnerata siuliani immiussipput.

-Kommune Kujallermi alimasissumik atuartitsinermi misilittagarineqartut, alimasissumik atuartitsisalertussanut atuartitsisartunullu pikkorissaassutigineqarnerisigut siammarluarnissaat siunertaralugu immiussinissamik periarfissinneqarnerput nuannaarutigeqaarput, Kommune Kujallermi Inerisaanermik Ingerlatsivimmi atuarfeqarnermut siunnersorti Avijâja K. Simonsen oqarpoq.

Kivitsisa Akademimi pikkorissaassutissamik suliaqarnermi Kommune Kujallermi alimasissumik atuartitsisartut Aningaaq Geraa, Nanortallip Atuarfianeersoq aamma Lillian Møller, Igalikup Atuarfianeersoq kiisalu Inerisaanermik Ingerlatsivimmiit Avijâja K. Simonsen peqataapput.

11. marts 2024