airplanebooksbriefcase business cogs cross election entertainment fish house law lockmedicalpeopleselfservices socialtax

Qamuteralannik, ATV-nik motoorilinnillu allanik angalatillutit ileqqoreqqusat eqqaamakkit

Kommune Kujallermi qamuteralannik, ATV-nik nunakkorutinillu allanik motoorilinnik ileqqoreqqusat ilaatigut unioqqutinneqarsinnaasarput.

Illoqarfinni nunaqarfinnilu inuit najugaqarfiini tamani nalunaaqutaq 22.00-miit ullaakkut 6.00 tungaanut Qamuteralannik ATV-nillu angalaqqusaanginneq, aamma ingerlavigeqqusaanngitsuni tatsinilu imeqarfiusuni motoorilinnik angalanerit tamarmik inerteqqutaaneri ilaatigut ileqqoreqqusani malitassat ilagaat.

Taamaakkaluartorli illoqarfinni nunaqarfinnilu imeqarfiusuni, assersuutigalugu Qaqortumi Tasersuarmi qamuteralannik ingerlasoqarsinnaasarpoq, inoqarfinnilu piffissap ingerlaarfigeqqusaanngitsup iluani angalasoqarsinnaasarluni.

Taamaattumik Kommune Kujallermiit inassutigissavarput ileqqoreqqusat malillugit angalasoqartarnissaa.

Qamuteralannik, ATV-nik kiisalu qamutinik nunakkoorutinik motorillit pillugit ileqqoreqqusasat una toorlugu atuarsinnaavaatit, uanilu ataani Nanortalimmi, Narsami Qaqortumilu nunap assingini ingerlaarfissiat, ingerlaarfigeqqusaanngitsullu qimerloorsinnaallugit.

8. marts 2024