airplanebooksbriefcase business cogs cross election entertainment fish house law lockmedicalpeopleselfservices socialtax

Qimmivit qitsuutivillu kapitinnissaa eqqaamallugu

Kommune Kujallermi qimmiutillit qitsuutillillu ulluni makkunani qimmerisamik qitsuutimillu kapiteqqinnissaannut eqqaasitsissummik allagarsisussaassapput.

Qimmeqarsimaguit qitsuuteqarlutillunniit inatsisit naapertorlugit qimmit akiuussutissamik kapineqarsimasussaavoq, ukiullu pingasukkaarlugit kapeqqinneqartassalluni. Tamannalu eqqaasitsisutiginiarlugu ulluni makkunani allakkat nassiussuunneqaleruttorput.

Qimmiuteqassaguit qitsuuteqarlutilluunniit kommunimi nalunaarsorneqarsimasussaammat, qimmiutivit/qitsuutivit nalunaarsorneqarnissaa akiuussutissamillu kapitsissimanissaa kommuniimiit inassutigaarput.

Nalunaarsuiniartunut Sullissivimmut saaffiginnittoqarsinnaavoq, imaluunniit linki ataaniittoq iserfigalugu immersugassaq aaneqarsinnaavoq:

Una toorlugu linki iserfigiuk

4. marts 2024