airplanebooksbriefcase business cogs cross election entertainment fish house law lockmedicalpeopleselfservices socialtax

Tasiusami nutaamik puttasuliisoqartussanngorpoq

Kommune Kujallermi nunaqarfiit kujasinnerusut ilaanni Tasiusami nutaamik puttasuliisoqartussanngorpoq.

 

Ulluni makkunani kujataani sikorsuit takkusimaaleruttorneranni Tasiusami innuttaasut sikorsuit qaangiunnissaannut qilanaartuutissaqarluarput. Sikorsuimmi tulariarpata Tasiusami puttasuliisoqartussaassaaq.

-Tasiusami puttasussaq nutaaq siorna sananeqarluni naammassisoq Nanortalimmiit Tasiusamukaallugu katiterneqartussanngorpoq. Sikorsuillu qaangiuteriarpata upernaaq manna ikkunneqarnissaa utaqqisaaginnalerpoq, Kommune Kujallermi Avatangiisinut Ingerlatsivimmi ingerlatsinermut pisortaq Pâlo O. Kûitse oqarpoq.

Tasiusami nutaamik puttasortaarnissaq piffissami sivisuumi pisariaqartinneqarsimavoq.

-Tasiusami nutaamik puttasuliinissaq piffisami sivisuumi pisariaqartinneqarsimasoq, Aappilattumi, Narsarmijini Tasiusamilu nunaqarfinni aqutsisut suliniuteqarnerisigut, nunaqarfinnut aningasaliissutaasut atorlugit nutaamik puttasuliinissaq piviusunngorpoq, Pâlo O. Kûitse oqarpoq.

Aappiilattumi Narsarmijinilu nutaamik puttasuliinissaq tullinguullugu suliniutigineqarpoq.

12. marts 2024