airplanebooksbriefcase business cogs cross election entertainment fish house law lockmedicalpeopleselfservices socialtax

´2017-2028-mi Kommunimut pilersaarummut ilassut nr. 27 Qaqortumi inissialiorfissaq nutaaq´ pillugu siunnersuutip tamanut saqqummiunneqarnera

´2017-2028-mi Kommunimut pilersaarummut ilassut nr. 27 Qaqortumi inissialiorfissaq nutaaq´ pillugu siunnersuut Kommunalbestyrelsimit ulloq 20. marts 2024 akuersissutigineqarpoq. Pilersaarusirnermi tunngavissatut siunnersuut ulloq 25. marts 2024-imiit 21. maj 2024-mut tamanit oqallisigisassanngorlugu saqqummiunneqarpoq.

Kommunimut pilersaarummut 2017-2028 ilassutissatut siunnersuut siunissami inissialiorfissaqarnissaq qularnaarumallugu suliarineqarpoq, kiisalu sanaartornerup tamatuma eqqaaniittunut naapertuunnissaa aamma qularnaarniarneqarpoq.

J.H.  Lytzensvejimi nunaminertani atorneeruttuni inissiat tamanut atugassiat inissialluunniit taakkununnga assingusut innuttaasunut assigiinngitsorpassuarnut naleqquttut sananeqarsinnaassapput.

Pilersaarummi aalajangersakkat sukumiisut sanaartorfissallu aalajangiunneqassapput, taakkunuunalu makku sananeqarnissaat periarfissiorneqassaaq: inissiat, nunaminertat ataatsimoorussat, atortorissaaruteqarfiit ataatsimoorussat, biilinik inissittarfiit, pinnguartarfiit, pisuinnaat aqqutaat aammalu aqquserngillu annerit.

Pilersaarut uani aaneqarsinnaavoq.

Oqaaseqaatit allannguutissatulluunniit siunnersuut uunga nassiunneqassapput:

Kommune Kujalleq, Postboks 514, 3920 Qaqortoq imaluunniit mailikkut: teknik@kujalleq.gl

 

25. marts 2024