Issittumi takornarialersisut allagartartaartut nunatsinni minnerunngitsumillu kujataani atorfissaqartinneqangaarput.
-Kujataa nuna qallunaatsiaqarfiusimasoq, nunarsuarmioqatigiit kingornussassanut allattorsimaffiani nalunaarsugaq, nuna qorsooqqissoq nunaateqarnermik uumasuuteqarnermillu ingerlatsiffiusoq takornarnianut nittarsaatissallugu ajukkunnanngivimmat maani kujataani atorfissaqatinneqangaarpusi, Pipaluk Larsen Petersen oqalugiarnermini ilaatigut taama oqarpoq nangillunilu.
-Siunissami takornariaqarnerup silarsuaani, nunatsinni sumiikkaluartumiluunniit sulilluarnissassinnik kissaappassi, qularutissaanngilarmi maanna mittarfissuit suliarineqartut pingasut naammassippata, nunatsinnullu isaaviit amerlippata, takornarianit ornigineqarnerput annikinnerulernavianngitsoq, taamaammat qanortoq ilinniakkassinni sakkut pigilikkasi atorluarisigit, angusassinnillu pilluangaaritsi, Pipaluk Larsen Petersen naggasiivoq.
Isittumi takornarialerisutut allagartartaartut marlunngornermi maajip 28-anni allagartartaarput.