Saqqummertumi uani borgmesteri Stine Egede apriilip qaammataani sulinermini sulerisimanersoq atuarsinnaavat. Maaji naappat, maajimi borgmesterip qaammataa saqqummersinneqarumaarpoq.
April
08.04.2024 – 12.04.2024: Nanortalimmut angalasussaagaluarpunga, ilaatigut Nanortalimmi innuttaasunik ataatsimiisitsillunga. Ullunili taakkunani ullut tulleriit angalanissap taamaatiinnartaqattaarneranik pissuteqartumik Nanortalimmut angalanissaraluara apriilip naalerneranut kinguartippara.
11.04.2024: Nipisat suaanik tuniniaasarneq pillugu Kommune Kujallermi aalisartunik ataatsimeeqateqarpunga.
15.04.2024-19.04.2024: Narsamut angalavunga.
15.04.2024: Narsami aalisartut piniartullu kommunip allaffiani ataatsimeeqatigaakka.
16.04.2024: Narsami kommunimi aqqusinilerisut aamma Innuuttaasut illuanni kulturimut immikkoortortaqarfitsinni sulisut pinaveersaartitsisullu pulaarpakka. Ullorlu taanna aamma Royal Greenlandimut Neqi A/S-mullu pulaarlunga ataatsimeeqateqarlunga.
17.04.2024: Narsami Kommunip allaffiani suleqatigut ullaakkorsioqatigaakka, kingorna utoqqaat ornittagaannut Majoriamullu pulaarlunga.
17.04.2024: Narsap katersortafianni politikkikkut angusat anguniakkallu pillugit innuttaasunut ataatsimiisitsivunga.
18.04.2024: Narsap katersortarfianut pulaarpunga, kingorna Inuilimi aqutsisut ullup qeqqasioqatigalugit naapeqatigereerlugit Katersugaasivimmut pulaarlupunga.
Ulloq taanna suliffeqarfik qimminut nerukkaatissanik suliaqartartartoq Nilak pulaarpara, kingornalu najukkami ataatsimiititaliaq naapippara, unnukkullu inuusuttut klubbimi naapisimaarlugit.
19.04.2024: Kommune Kujallermi pisortaanerit ataatsimeeqatigaakka.
19.04.2024: Narsami Timersortarfimmut kingornalu Permagreenimut pulaarpunga.
20.04.2024: Qaqortumi aaqqissuussaq naatsiivilerinermik pikkorissarneq peqataaffigivara.
22.04.2024: Innovation South Greenlandimi ataatsimeersuaarneq Teamsikkut peqataaffigivara.
22.04.2024: Kommune Kujallermi suliffeqarfiit nunanit allanit aningaasaliiffigineqarnermik suleqateqarlutik hoteliliorsinnaanerannik periarfissat pillugit eqqartuiffiusumik Amerikamiit ataatsimeeqateqarpunga.
23.04.2024: Kommune Kujallermi pitsaaliuinermik immikkoortortaqarfimmiit Islandimi Planet Youth Konferencemut peqataasimanermit pissarsiarsiat aamma Kommune Kujallermi pitsaaliuinermi periusissiaq nutaaq ilusilersorneqaleruttortoq pillugu saqqummiiffigineqarpunga.
23.04.2024: Qaqortumi Tasersuup atuarfianut pulaarpunga, matumani atuarfimmi pisortanngorlaaq Ida Jerimiassen naapillugu angallassisoralugulu.
23.04.2024: “Pitsaaliuineq pitsaanerusoq, inissiinerit ikinnerusut” qulequtaralugu peqateqarluni suliniutitut pilersaarut pillugu Meeqqanut Inuusuttunullu Naalakkersuisoq Aqqaluaq B. Egede ataatsimeeqatigivara.
Suliniutip ataatsimiissutaasup siunertarivaa meeqqat inuusuttuaqqallu angerlarsimaffiup avataanut inissinneqartartut ikilinissaat.
24.04.2024: Aningaasaqarnermut inuussutissarsiornermullu ataatsimiititaliami ataatsimiinnissara/put internetsikkut attaveqaatit ajoquteqarneranik pissuteqartumik pinngitsoorpoq.
25.04.2024: Qaqortumi mittarfiliortut killiffiannik paasissutissiiffiusumik Jan á Argjaboða aamma Mantas Hesthaven, Ramboll-imeersut ataatsimeeqatigaakka.
25.04.2024: Qaqortumi sulorartartut poorskip nalaani Ilulissani pissartanngorniunnerminni angusarissaarneranni pilluaqqullugit qinikkat ataatsimiittarfiani naapeqatigiiffiusumik ataatsimooqatigaakka.
29.04.2024: Nanortalimmi utoqqaat ornittagaanni utoqqaat naapisimaarpakka.
29.04 Nanortallip Atuarfianut pulaarpunga atuarfiup pisortaa Bettina Hansen naapillugu.
29.04.2024: Nanortalimmi Qujanartip Illuani innuttaasunut ataatsimiisitsivunga. Matumani politikkikkut anguniakkanut killiffik aamma pilersaaruit, kiisalu Nanortalik pillugu suliamut killiffit sammisaralugit.
30.04.2024: Nanortalimmi suliffeqarfinnut pulaaqattaarlungalu naapeqateqarpunga;
Nanortalimmi Aalisartunik piniartunillu naapeqarpunga.
Suliffeqarfik namminersortoq NTS pulaarpara.
Qujanartup Illuani (katersortarfik) siulersuisunik naapeqateqarpunga.
Kommune Kujallermi Avatangiisinut Immikkoortortaqarfimmi teknikeri aamma aqqusinilerisut naapippakka, kiisalu Nukkissiorfiit pulaarlugit naapeqateqarlunga.
30.04.2024: Qaqortumi mittarfissap pisortaa Ole Damgaard Teamsikkut naapeqatigaara.