Washington D.C.-mi kalaallit aallartitaqarfiani pisortaq, Amerikamiullu kongressianiit tikeraat borgmesterip tullersortaa Pipaluk Jakobsen Larsen, atorfilittat kiisalu Innovation South Greenlandip pisortaa Miki Jensen, maajip naanerani kommunip ataatsimiitarfianni naapeqatigiipput.
-Naapeqatigiinnermi tikeraat Kommune Kujalleq pillugu saqqummiiffigineqarput, ilaatigut inuussutissarsiornermik ineriartortitsinissamik pilersaarutit pillugit aamma saqqummiivigineqarlutik. Kiinarsilluni taamatut naapeqatigiinneq nuanneqaaq, borgmesterip tullersortaa Pipaluk Jakobsen Larsen oqarpoq.
Naapeqatigiinnerup nalunaaquttap akunneranik sivisussuseqartup kingorna tikeraat Great Greenlandimut pulaarput.