Arfininngorneq januaarip 18-ianni kujataani unnuk kulturisioqatigiittoqarpoq, tassani Kommune Kujalleq aamma peqataavoq.
Qaqortoq
Qaqortumi atuakkanik atorniartarfik, katersugaasivik, utoqqaat illuat Ajarsivasik kiisalu kialaarfik ornigarneqarput.
-Ingerlalluaqaaq. Isaasut nuannisarpaseqaat. Qaqortumi kulturikkut ingerlatsinermi sunngiffimmilu sammisassaqartitsinermi aqutsisoq Kikkik Broberg Olsen taama oqarpoq.
Nanortalik
Nanortalimmi Klub Alummiu, katersugaasivik kiisalu katersortarfik ornigarneqarput.
-Alummiu nuannersorujussuarmik ingerlavoq, katersortarfillu ornigarluarneqrluni. Tassani erinarsoqatigiit peqatigiiffiit assigiinngitsut appisimaarput. Nanortalimmi kulturikkut ingerlatsinermi sunngiffimmilu sammisassaqartitsinermi aqutsisoq Samuel Simonsen taama oqarpoq.
Narsaq
Narsami innuttaasut illuat, katersugaasivik kiisalu Klub Qaqqavarsuk ornigarneqarput.
-Nuannersorsuarmik ingerlavoq. Orninngeqarsinnaasut ilai ualikkut aallartikkamik, Narsarmiut aggialluaqaat. Narsami kulturikkut ingerlatsinermi sunngiffimmilu sammisassaqartitsinermi aqutsisoq Ivalo Motzfeldt taama oqarpoq.